बिगमार्टको १ सय २५ औँ स्टोर पृथ्वी राजमार्ग स्थित धादिङको गजुरी बजारमा सञ्चालनमा आएको छ । 

स्टोरको शनिवार एक समारोहका बीच उद्घाटन गरिएको छ  । 

धादिङस्थित गजुरी –१, पृथ्वी राजमार्गमा निर्मित अत्याधुनिक भवनबाट बिगमार्टको सेवा सञ्चालनमा आएको हो  ।

बिगमार्टका अपरेसन हेड रत्नमान महर्जनका अनुसार स्टोरले शुभारम्भको अवसरमा विभिन्न सामानहरू विशेष छुटको व्यवस्था गरेको छ।

देशभरका स्टोरमा हालसम्म करिब २ हजार ४ सय रोजगाररत छन् भने गजुरीको स्टोरमा १४ जना कर्मचारी कार्यरत रहने उनले बताए ।

कम्पनीले छिटै पृथ्वीराजमार्ग स्थित चितवनको मुग्लिङ बजारमा पनि स्टोर सञ्चालनमा ल्याउने जनाएको छ ।

बिगमार्ट नेपालका ठूला खुद्रा बिक्री सुपरमार्केटहरूमध्ये एक अग्रणी र लोकप्रिय नाम हो । यसले विशेषगरी सहरी क्षेत्रका उपभोक्ताहरूलाई लक्षित गरेर खाद्यान्न, गृह उपयोगी सामग्री, व्यक्तिगत स्याहारका सामग्री, पेय पदार्थ, सौन्दर्य प्रसाधन, विद्युतीय सामान लगायतका दैनिक उपभोग्य वस्तुहरू बिक्री गर्ने गर्छ ।