नेपाल पत्रकार महासङ्घ धादिङले आयोजना गरेको ‘विकास पत्रकारिता र कृत्रिम बौद्धिकता (एआई) को प्रयोग’ सम्बन्धी तीन दिने तालिम सम्पन्न भएको छ । 

महासङ्घको आयोजना र बेनीघाट रोराङ गाउँपालिकाको आर्थिक सहयोगमा पालिकाको वडा नम्बर-८ स्थित चैलिङ गाउँमा मङ्सिर १५¬—१७ सम्म तालिम आयोजना गरिएको हो । 

तालिममा जिल्लास्थित पत्रकारहरूलाई विकास पत्रकारिता र पत्रकारितामा कृत्रिम बौद्धिकता (एआई) को प्रयोगबारे प्रशिक्षण दिइएको छ । सुरुका दुई दिन गोरखापत्रका उपसम्पादक अजय शर्माले कृत्रिम बौद्धिकता (एआई)को प्रयोगबारे प्रशिक्षण दिएका थिए । 

अन्तिम दिनमा नेपाल पत्रकार महासङ्घका पूर्व अध्यक्ष एवम् सार्वजनिक प्रसारण सेवा संस्थाका कार्यकारी प्रमुख डा.महेन्द्र विष्टले विकास पत्रकारिताबारे प्रवचन दिएका थिए ।

तस्बिरहरूः

तस्बिरहरूः चन्द्र तामाङ