नेपाल पर्वतारोहण सङ्घ (एनएमए) को अध्यक्षमा फुर गेल्जे शेर्पा निर्वाचित

पर्यटन

एभरेष्ट फेस आइतबार, भदौ ८, २०८२

नेपाल पर्वतारोहण सङ्घ (एनएमए) को अध्यक्षमा फुर गेल्जे शेर्पा निर्वाचित भएका छन् । शनिवार नेपाल प्रज्ञा प्रतिष्ठानमा भएको निर्वाचनबाट शेर्पा निर्वाचित भएका हुन् ।

पर्वतारोहण पर्यटनको क्षेत्रमा महत्त्वपूर्ण भूमिका खेल्ने सङ्घको नयाँ नेतृत्वको लागि धादिङका कुल बहादुर गुरुङ र सोलुखुम्बुका फुर गेल्जे शेर्पा समूहबीच चुनाव भएको थियो । शेर्पाले ३४२ मत प्राप्त गर्दा प्रतिस्पर्धी गुरुङले २८८ मत ल्याए ।

सङ्घका वरिष्ठ उपाध्यक्षमा ईश्वरी पौडेल, प्रथम उपाध्यक्षमा मिङ्मा ग्याबो शेर्पा, द्वितीय उपाध्यक्षमा बोध राज भण्डारी, महासचिवमा राजेन्द्र बहादुर लामा, सचिवमा चन्दन थापा निर्वाचित भएका छन् ।

कोषाध्यक्ष पदमा सुमी लामा र ङिमा नुर्बु शेर्पाले समान ३०४–३०४ मत प्राप्त गरेकाले सहमति अनुसार दुवै जनाले आधा–आधा कार्यकालका लागि गोलाप्रथा गर्ने सहमति गरिएको छ ।

त्यस्तै, सदस्यहरूमा माधवकुमार धमला, केदार न्यौपाने, थुप्देन शेर्पा, गोकुल थापा, मुलाल गुरुङ, देण्डी शेर्पा, विक्रम कार्की, रिञ्जे शेर्पा, देवेन्द्र डङ्गोल, दिकी शेर्पा, निशा भोटे विजयी भएका छन् ।

कसले कति मत ल्याए ?